ስሜት የብረት ድስት ነው ፣ ሲጥዱት ቶሎ ይግላል ፣ ሲያወርዱት ቶሎ ይቀዘቅዛል፤ እውነት የሸክላ ድስት ነው ፣ ቶሎ አይግልም ፣ ቶሎ አይበርድም ። ስሜት የእንጀራ እናት ጡጦ ነው ፣ እውነት ግን የሚያጠግብ የወተት ጋን ነው ። ስሜት ችግኝ ነው ፣ እውነት ግን የሚያስጠልል ዛፍ ነው ። ስሜት መጣሁ ብሎ የሚሄድ የመስከረም ዝናብ ነው ፣ እውነት ግን የሚያጠግብ የነሐሴ ጠል ነው ። ስሜት የአሁን ንጉሥ ነው ፣ እውነት ግን ነገም የሚኖር ኃይል ነው ። ስሜት የርችት መብራት ነው ፣ እውነት ግን ግለቱ የሚጨምር የፀሐይ ብርሃን ነው ። ስሜት ቀን ነው ፣ ማታ ለመሆን ይቸኩላል ፤ እውነት ሌሊት ነው ፣ ወደ ቀን ይጓዛል ። ስሜት ሁሉን የሚያረክስ ነው ፣ እውነት ሁሉን የሚቀድስ ነው ። ስሜት ሮጦ የሚደክም ነው ፣ እውነት እያዘገመ የሚደርስ ነው ። ስሜት ተሳዳቢ ነው ፣ እውነት ግን አሸናፊ ነው ። ስሜት እገሌ የሚል ጠቋሚ ነው ፣ እውነት ግን እኔ የሚል ተነሣሒ ነው ። ስሜት ሰጥቶ የሚቆጭ ነው ፣ እውነት ግን ሰጥቶ የሚደሰት ነው ። ስሜት የእኔ ቃል የእግዜር ቃል የሚል ነው ፣ እውነት ግን የእግዚአብሔርን የሚያስቀድም ነው ። ስሜት ግልብ ነው ፣ እውነት ግን እውቀትን ያደላደለ ነው ። ስሜት ቢሞትም ሰማዕት አያሰኝም ፣ እውነት ግን የጽድቅ አክሊል አላት ። ስሜት ኢየሱስ ጌታ ነው እያለ በሥራው ያዋርደዋል ፣ እውነት ግን ክርስቶስን በሕይወቱ ያከብረዋል ። ስሜት በሬ ይነዳል ፣ እውነት ግን ራሱን ይሰጣል ። ስሜት ግሎ ያጋግላል ፣ እውነት ግን ሰምቶ ይጋግራል ። ስሜት የቅጠል እሳት ነው ፣ አያበስልም ኋላም አመድ የለውም ፤ እውነት ግን የሚያበስል ቀጥሎም የሚያሞቅ ፍም ያለው ነው ። ስሜት ጊዜያዊ እብደት ነው ፣ እውነት ግን መጥኖ መኖር ነው ። ስሜት ተናግሮ የሚያስብ ነው...
ዳግማዊ አፄ ምኒልክ እንደ እኤአ ከ1889 እስከ 1913 ዓ. ም የገዙ #ኢትዮጵያዊ_ንጉስ ነበሩ። ኢትዮጵያ ከመሩ ከታላላቅ መሪዎች ውስጥ አንዱ ሲሆኑ በስልጣን ዘመናቸው አገሪቷን በማዘመን እና በማጠናከር ዋና ተጠቃሽም ናቸው። ምኒልክ እኤአ በ1844 ዓ.ም አንኮበር በተባለ ቦታ ተወለዱ። እኤአ በ1889 ተቀናቃኛቸውን አፄ ዮሃንስ አራተኛን በጦርነት አሸንፈው ንጉሠ ነገሥት ሆኑ። ምኒልክ በስልጣናቸው ዘመን ኢትዮጵያን ለማዘመንና ግዛቷን ለማስፋት ሠርተዋል። በርካታ ማሻሻያዎችን አድርገዋል ፥ አዲስ ነገርም አስተዋውቀዋል። ከእነዚህም መካከል ብሔራዊ ባንክ ማቋቋም፣ የፖስታ ሥርዓት፣ እና ዘመናዊ የሕግ ሥርዓት ጨምሮ። በተጨማሪም ወታደራዊ ኃይሉን በማዘመን አዳዲስ የጦር መሣሪያዎችን በማግኘት ኢትዮጵያ እኤአ በ1896 ዓ.ም በአድዋ ጦርነት የጣሊያንን ወረራ እንድታሸንፍ አድርገዋል። አጼ ምኒልክ የተካኑ ዲፕሎማት ነበሩ። ፈረንሳይ እና እንግሊዝን ጨምሮ ከበርካታ የአውሮፓ ኃያላን መንግስታት ጋር ዲፕሎማሲያዊ ግንኙነት ጀመሩ። እኤአ በ1889 የውጫሌ ውል ከጣሊያን ጋር ተፈራረሙ። ይህም ውል ጣሊያን በኢትዮጵያ የውጭ ጉዳይ ፖሊሲ ላይ ቁጥጥር የሚያደርግ አንቀጽ ያካተተ ሲሆን ምኒልክ ይህን ውል አልቀበልም ብለው ውድቅ አድርገው ወደ አድዋ ጦርነት እንዲመሩ ፥ ክተት ጀማ እንዲሉ ሆኑ። አምኒልክ የሃይማኖት ነፃነትን በመቻቻል እና በመደገፍ ይታወቃሉ። በኢትዮጵያ የተለያዩ ሃይማኖቶች አብረው እንዲኖሩ ከማድረጋቸው በላይ በአዲስ አበባ መስጊድ እንዲገነባ ድጋፍ አድርገዋል። የትምህርት ቤቶችን ግንባታና የሀገሪቱን የመሰረተ ልማት ግንባታ አበረታተዋል። በአጠቃላይ የአጼ ምኒልክ የንግስና ዘመን በኢትዮጵያ ታሪክ ውስጥ የለውጥ ሂደት ነበር፤ አሁን...